Kryetarja e LSI, Monika Kryemadhi tha se sfida e forcës politike që ajo drejton, është të ndajë politikën nga krimi.
Gjatë një takimi me kryesinë e partisë në Durrës, Kryemadhi u shpreh se shiu i 25 prillit do të dalë baltën e Durrësit dhe do të rikthejë shkëlqimin e qytetit.
“Sfida e LSI është të ndajë politikën nga krimi, apo nga baltosja e imazhit në qytetin e Durrësit, Durrësi ka më shumë rëndësi se Tirana për shkak të influencës së politikës, por edhe ekonomisë. Është grabitur nga një grup njerëzish , ka krijuar një situatë problemtike për banorët e Durrësit, po ndodh në çdo qytet të Shqipërisë. Të ndezim motorët që të shpërndahemi në çdo qendër votimi, për të krijuar bindjen se Shqipëria është shtëpia e Shqiptarëve. Shiu i 25 prillit do të dalë baltën e Durrësit dhe do të rikthejë shkëlqimin e qytetit”, tha Kryemadhi.
Kryemadhi tha se LSI do të jetë forcë e parë për të ndryshuar politikën e krimit, dhe se do t’i thyejë hundët jo vetëm Edi Ramës, por kujtdo që do të degradojë qytetarët shqiptarë.
“Jo vetëm që LSI do të jetë forcë e parë, por avangard për të ndryshuar politikën e krimit. Do t’i thyej hundët, jo vetëm Edi Ramës, por kujtdo që do të degradojë qytetarët shqiptarë. Kemi nevojë për të biseduar me çdo qytetar shqiptar për të dhënë vizionin tonë. Jemi këtu për të ndërtuar të ardhmen e fëmijëve të gjithë shqiptarëve”, u shpreh Kryemadhi.
https://www.facebook.com/KryemadhiMonika/videos/379197283264510/
