Sikundër ishte njoftuar edhe më herët, kreu i PD-së, Lulzim Basha ka mbërritur në ambientet e Teatrit Kombëtar, ku pritet të kalojë natën. Kjo në shenjë proteste kundër shembjes së kësaj godine.
Ai tha para mediave se Rama do të mbajë përgjegjësi për të gjjtha, po kështu edhe Erion Veliaj.
“E gjithë kjo batërdi, kjo vjedhje, zhvatje e parave dhe taksave të shqiptarëve, ka vetëm një emër, Edi Rama. Ai do të mbaj përgjegjësi për të gjitha. Kryebashkiaku është oturaku i Edi Ramës.
PD ka qenë dhe do të jetë në mbështetje të artistëve. Do të kaloj këtu orë të tëra, do të jem pranë tyre. Këta janë një regjim hajdutësh, dhe hajdutët përdorin hilet, në orën 5 të mëngjesit shkuan te Astiri dhe ne s’u mblodhëm dot.
Ne jemi këtu sot, shqiptarët janë në këtë gjendje ekonomike për shkak të tij. Duan të grabisin 30 milion euro këtu me aferën e Teatrit. E gjithë vëmendja e kryeministrit është që të grabisë prona publike.
Koronavirusi tregoi fytyrën e vërtetë, sepse kur nuk ndalesh as në një pandemi të tillë nga zakoni i vjedhjes, do të thotë që je i pashpresë.
Kur shteti bie në dorë të banditëve, dhe shkel ligjin e Kushtetutën, qytetarët mund t’i përgjigjen me çdo mjet”.
