Ish-presidenti, Bujar Nishani, ka folur rreth krizës politike në vend, duke u ndalur tek rasti i presidentit Meta.
I ftuar në “Aktualitet” në Fax News, Nishani u shpreh se nëse do të ishte në rrethanat ku qytetarët tentohen të manipulohen për interesa politike, do të vepronte në të njëjtën mënyrë si ka vepruar edhe Ilir Meta.
“Elementet e klasifikuara nuk janë bërë publike, është bërë publike nga ana e Presidentit ajo çfarë ishte e nevojshme”, tha Nishani duke folur për çështjet që ka bërë publike Meta në shpjegimin e tij mbi dekretin e 8 qershorit për anulimin e zgjedhjeve.
Më tej, Nishani komentoi edhe raportin e Komisionit të Venecias, në të cilin thuhej se Meta ka tejkaluar kompetencat e tij me dekretin e 30 qershorit.
“Sepse mund të jap qëndrime për çështje që kanë lidhje me zgjedhjet vetëm kur ia kërkon OSBE/ODHIR. Në rast se mund ti kërkohet një këshillim ligjor për çështje Kushtetuese, mund ta jap vetëm kur i kërkohet nga Gjykata Kushtetuese në mënyrë eksluzive. Në aspektin ligjor është shprehur se Presidenti nuk ka shkelur Kushtetutën çka çon në shkarkimin e tij”, tha Nishani.
