Kryetarja e Bashkisë së Shkodrës, Voltana Ademi e ftuar në emisionin “Open” është pyetur nëse ka marrë mesazhe kërcënuese me fjalët “do të të zhdukim” kohët e fundit.
Ademi fillimisht u shpreh se ka ndodhur që në debate publike të jetë kërcënuar apo edhe ofenduar, por nuk ndihet e kërcënuar.
“Nuk kam marrë kështu kërcënimesh. Nuk ndihem e kërcënuar, ndoshta edhe kjo situatë ku ndodhemi më bën të ndihem më e fortë…”, deklaroi Ademi.
Gjithashtu, kryebashkiakja tha se së bashku me stafin e zyrtarëve, ndodhet nën presionin e krimit, teksa shtoi se krimi është prezent në institucionet publike të qytetit.
