Deputetja Rudina Hajdari ka komentuar deklaratën e presidentit Meta, gjatë manifestimit që u mbajt më 2 mars.
Gjatë fjalës së tij në podium, Meta paralajmëroi se pas 15 marsit do të shkojë në Parlament për ta shpërndarë. E ftuar në emisionin “Top Talk”, Hajdari tha se mbështet disa nga gjërat që Presidenti ka thënë.
Ndërsa sa i përket shpërndarje së Parlamentit, deputetja u shpreh se Meta nuk e ka atë kompetencë.
“Meta ka thënë se ai parlament po shkel Kushtetutën, dhe besoj se disa nga gjërat që ai ka thënë qëndrojnë. Por nuk besoj se shpërndarja e parlamentit do ishte një e drejtë që ai e ka si kompetencë.
Por unë do ta inkurajoja presidentin që të mbështesë me hapa konkrete faktin që ajo Kushtetutë duhet vërtetë të përfaqësohet dhe të respektohet, por ama duhen hapa konkret.
Nëse ai nuk i bën dot këto, nuk e besoj që po i bën këto gjëra në mënyrë të sinqertë”, tha ajo.
