Kryeministri Edi Rama dhe ministrja e Infrastrukturës, Belinda Balluku kanë inspektuar sot punimet që po kryhen në kantierin e Aeroportit të Kukësit.
Kreu i qeverisë ka shpërndarë në Facebook një video nga vizita në terren. Sipas kryeministrit, ndërtimi i këtij aeroporti do të rimëkëmbë zonën, pasi do të hapë shumë shërbime dhe biznese.
“Aeroporti sjell më vete shumë lëvizje. Sjell hotele dhe shume shërbime të tjera. Do të definojmë një master-plan të përgjithshëm që do t’i japi një bum të madh këtu”, tha Rama.
Ndërsa ministrja Balluku deklaroi se me ndërtimin e këtij aeroporti do të hapen 12 mijë vende të reja pune.
“Rritja e punësimit total është 12 mijë vende pune. 1500 aeroporti të tjerat janë biznese të lidhur ame të. Në tërësi janë 12 mijë vende pune”, tha Balluku.
Postimi i plotë:
Kukës – Në kantierin e Aeroportit të Kukësit, ku vazhdon me ritme të larta puna për ndërtimin e terminalit modern të pasagjerëve, zgjerimin e pistës, krijimin e zonës së butë me infrastrukturën kritike nëntokësore, dyfishimin e hapësirës së sheshpushimit të avionëve🏔✈️🤩
#ShqipëriaqëDuam🇦🇱☀️
*Mezi pres zbritjen në pistë vitin e ardhshëm të Migjenit me 132 pasagjerë nga Londra, të cilët do ta inaugurojnë aeroportin me një fluturim falas, pasi të përzgjidhen mes miqve kuksianë të kësaj faqeje, për sharjet e përqershjet më të mëdha, kur e kam premtuar ndërtimin e këtij aeroporti😉
