Një 29-vjeçar shqiptar përfundoi në prangat e policisë italiane ditën e djeshme; pasi Belgjika kishte lëshuar një urdhër-arresti ndaj tij për trafikim të qenieve njerëzore.
Sipas mediave të shtetit fqinj, shqiptari u arrestua teksa po shkonte të vizitonte të dashurën e tij në fshatin Monteroni d’Arbia, afër Sienës.
Autoritetet vendase ishin të bindur se 29-vjeçari do të shkonte një ditë në fshatin toskan. Për rrjedhojë, ata vendosën të vëzhgonin shoqen e tij.
I riu shqiptar akuzohet për përfshirje në një grup shqiptar trafikantësh njerëzorë. Kjo organizatë kriminale merrej me futjen e paligjshme të emigrantëve në Evropë që vinin nga Azia dhe Afrika.
