Në një takim me strukturat në Shkodër, kryetarja e LSI-së Monika Kryemadhi, ka pohuar se ministrja Gjonaj është e afërt me presidentin Ilir Meta. Kjo deklaratë vjen pasi Meta ditën e djeshme i kërkoi ministres së Drejtësisë, Etilda Gjonaj, të japë dorëheqjen deri ditën e hënë ose në kundërt do e kallëzonte penalisht.
Teksa konfirmoi lidhjen familjare mes presidentit Meta dhe Gjonajt, Kryemadhi tha se ‘ministrja bukuroshe’ ende nuk ka kthyer asnjë përgjigje në lidhje me falsifikimet e protokollit.
“Sot e kësaj dite akoma nuk kemi një përgjigje nga ministrja jonë bukuroshe, që sa për dijeni të shqiptarëve ka lidhje familjare me Presidentin e Republikës. Akoma s’ka kthyer përgjigje se pse ka falsifikuar protokollin e ministrisë. Për mua moralisht Arta Vorpsi është një ngelëse, ku çdo gjimnazisti s’i jepet diploma se ka ngelur në provim”, tha Kryemadhi.
