Nënkryetari i LSI-së, Petrit Vasili ka komentuar një deklaratë të bërë nga zv.ministrja e Shëndetësisë, Mira Rakacolli.
Në një intervistë për Zërin e Amerikës, Rakacolli thotë se me lehtësimin e masave shtrënguese, pritet që të ketë më shumë raste me koronavirus në vend.
Vasili shprehet i irrituar, teksa thotë se nëse qeveria e di se rastet do të shtohen nga lehtësimi i masave, atëherë pse vendos që t’i lehtësojë ato?
Postimi i plotë:
Shvejku tha : “Mire qe u çmendën, po pse të gjithë në një ditë”.(VIDEO)
“Me lehtësimin e masave do të shtohen rastet me COVID-19″, thonë këta të Ministrisë së Shëndetësisë.
A janë në rregull nga mend këta???
Po pse i lehtësojnë atëherë masat këta mendjendritur???
Po edhe njeriu me i fundit në glob e di që lehtësimi bëhet vetëm kur rastet fillojnë të ulen në mënyrë bindëse dhe të qëndrueshme.
Kjo është HIÇSTRATEGJIA e Edi Ramës ” bjeri ti biem” për Pandeminë
