Aktorja e humorit, Lisa Kujofsa, ka lajmëruar ndjekësit e saj se do të largohet nga spektakli i Klanifornias, i cili sapo ngriti siparin e sezonit të ri.
Ajo nuk ka dhënë detaje mbi arsyen e këtij largimi, duke u mjaftuar në postimin e saj vetëm me premtimin e një rikthimi.
Lisa, me rolet e saj të spikatura, ka arritur që të tërheqë vëmendjen dhe dashurinë e publikut edhe në këtë produksion.
Ajo mbetet një ndër aktoret më të dashura për publikun.
Statusi
Miq të dashur!
Këtë status jua kushtoj të gjithëve ju, që jeni një mbështetje për mua dhe punën time në këtë rrugëtim artistik siç ishte Klanifornia. Për mua mbrëmja e sotme është dalja e fundit në Klanifornia.
Falenderoj të gjithë stafin, jo vetëm kolegët aktorë por të gjithë ata që punojnë pas skenës dhe kamerave, pa të cilët puna jonë do ishte e pamundur, falemnderit!
Falemnderit për të gjitha duartrokitjet, të qeshurat, inkurajimet e mbi të gjitha kritikat, të cilat do të më ndihmojnë në çdo sfidë të re që më pret. Do shihemi… sepse do shihemi, premtoj!
