Kryeministri Edi Rama ka treguar se çfarë do të ndodhë me familjet e prekura nga tërmeti. Banesat e të cilëve u rrënuan si pasojë e lëkundjeve të forta sizmike në orët e para të mëngjesit të sotëm.
Kreu i qeverisë lajmëroi se do të nënshkruhet një marrëveshje me strukturat hoteliere të Durrësit, Kavajës dhe edhe Vlorës. Me qëllim për të strehuar të gjitha familjet që kanë mbetur pa shtëpi, pas tërmeteve.
“Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale #ShqipëriSolidare”, shkruan Rama.
