Deputeti Lefter Maliqi ka njoftuar se si pasojë e rregullores së re, gjatë kësaj jave nuk do të ketë as parlament, as komision dhe as mbledhje komisionesh.
Përmes një postimi në Facebook, Maliqi i kërkon kryeministrit Rama të dorëhiqet dhe vendi të shkojë në zgjedhje të parakohshme.
“Kjo jave është Java e Zezë për piktorin dështak, pasi Evropa i mbylli dyert, pasi e nxiu vendin me korrupsion, drogë, varfëri, papunësi, shpopullim, zgjedhje moniste…”, shkruan ai ndër të tjera.
Sipas rregullores së re, në javën e 4 të çdo muaji nuk do ketë parlament, por ligjvënësit duhet të zhvillojnë gjithë javën takime me banorët e zonave që përfaqësojnë.
Postimi i plotë:
Sapo me njoftuan se kjo jave do jete java e gjelber dhe s’do kete as parlament, as mbledhje komisionesh. Kjo jave eshte Java e Zeze per piktorin deshtak, pasi Evropa i mbylli dyert, pasi e nxiu vendin me korrupsion, droge, varferi, papunesi, shpopullim, zgjedhje moniste, shantazhime e kercenime, gazetare, artiste, prokurore, gjyqtare, opozitare, qytetare, studente, burgosje per te varfrit e kundershtaret dhe liri per boset e krimit, kapje institucionesh, shkelje te te drejtave te njeriut, abuzime me detyren, emerime nepotike, mbushi parlamentin me deputete me te shkuar kriminale, vendosi kryebashkiake te denuar ne Evrope, e la vendin pa Gjykate te Larte e Kushtetuese, me prokuror te pergjithshem te komanduar, zvarriti dosjet e pergjimeve me deputetet e ministrat e tij ne shitblerje votash, etj., etj.
Rama urgjent te dorehiqet, vendi te kaloje ne zgjedhje te parakohshme. Nëse kjo nuk ndodh, populli le te marre ne dore fatet e vendit me cdo mjet demokratik.
