Kryesore

Lleshaj-oficerëve të rinj të Policisë Kriminale: Kjo punë s’iu bën të pasur, por…


               Publikuar në : 11:50 - 21/10/19 user tir

Ministri i Brendshëm Sandër Lleshaj ka deklaruar se Policia e Shtetit duhet të rritet në cilësi dhe në sasi. Teksa fliste në aktivitetin e diplomimit të oficerëve të rinj të Policisë Kriminale dhe Patrullës së Përgjithshme, Lleshaj theksoi se kjo detyrë nuk do t’i bëjë ata të pasur, por “puna e tyre shpërblehet me një tjetër monedhë, atë të mirënjohjes”.

“Për të përballuar me efikasitet misionin, policia shqiptare duhet të rritet në sasi dhe cilësi. Duhet të rritet dhe modernizohet. Programi i qeverisë parashikon progres në të dy këto vlerësime. Të dashur studentë, ju jeni këtu për të siguruar të mirën publike, që është pikërisht siguria. Çmimi i saj është shumë i rëndësishëm. Të punosh në radhët e strukturave të sigurisë publike, përveç profesionalizmit, duhet dhe trimëri, kurajë, nder e moral i lartë. Kjo detyrë nuk mund t’iu bëjë të pasur, por puna juaj shpërblehet me një tjetër monedhë, me atë të mirënjohjes”, tha Lleshaj.

Kthehu
WhatsApp Denonco ne TT