Ish-deputeti Edi Paloka ka folur sot gjatë protestës së opozitës së bashkuar, ku ka paralajmëruar Ramën se së shpejti realiteti do i kthehet në makth.
I pyetur se çfarë planifikon të bëjë opozita, Paloka tha se akti më ekstrem është ndërmarrë tashmë, por Rama po e zgjat më kot qëndrimin në krye të qeverisë.
“Sot kemi një parlament që ka qenë ilegjitim, sot është edhe antikushtetues. Ku ka akt më ekstrem se ky i djegies së manateve, ne e ndërmorëm por Edi Rama po e zgjat kot qëndrimin e tij. Parlamenti i ka ditët e numëruara, edhe në ëndrrën më të bukur të Ramës, kjo histori nuk mund të vazhdojë. Do kthehet së shpejti në makth”, tha shkurt ish-deputeti./ Tirana Today
