Duke e demonstruar me anë të një videoje, Rama risjell në fokus mënyrat se si të mbrohen qytetarët, për të mos u infektuar nga koronavirusi. Ai që në krye të herës thekson se për momentin nuk ka vend për panik, ndonëse vendi ynë fqinj Italia po përjeton orë tmerri, ku numri i të infektuarve po shtohet në masë.
Kryeministri i është drejtuar qytetarëve që të ndjekin këshillat e miratuara nga Organizata Botërore e Shëndetësisë, e mbi të gjitha të shmangin lajmet e rreme të cilat shtojnë panikun.
Koronavirusi vazhdon të përhapet në mbarë botën, dhe së fundmi në Europë. Në Itali janë shënuar 7 viktima nga e shtuna deri të hënën. Në Shqipëri nuk ka të konfirmuar asnjë rast me virusin vdekjeprurës kinez.
Statusi
“NUK KA VEND PËR PANIK!
JU LUTEM NDIQINI KËTO KËSHILLA TË THJESHTA TË MIRATUARA NGA ORGANIZATA BOTËRORE E SHËNDETËSISË DHE SHMANGNI SA MË SHUMË TELEBROÇKULLAT DHE DIXHIDOKRRAT QË USHQEJNË ANKTHIN E PANIKUN. DERI NË KËTË MOMENT QË KOMUNIKOJMË NUK KEMI ASNJË RAST TË KORONAVIRUSIT, POR NËSE NË DITËT A JAVËT NË VIJIM DO TË DUHET TA PËRBALLIM, JINI TË SIGURTË SE DO TA KALOJMË EDHE KËTË FLAMË. SËBASHKU”.
