Në kohën kur fokusi është tek koronavirusi, një tjetër sëmundje është përhapur frikshëm. India është kthyer në një vatër infeksioni, ku ka lënë me pasoja 140 qytetarë. Zyrtarët në Indi po hetojnë shkakun e një sëmundje të paidentifikuar, që ka sjellë edhe shtrimin e 140 personave në spital gjatë fundjavës.
Mjekët kanë thënë se pacientët nga Eluru në Andhra Pradesh, kishin një gamë të gjerë simptomash; nga të përzierat deri te krizat dhe të fikët. Shumë prej të shtruarve në spital u rikuperuan dhe u dolën shpejt nga spitali. Media lokale thotë se pacientët bënë teste për koronavirusin, të cilat ishin të gjitha negative. “Njerëzit që u sëmurën, veçanërisht fëmijët, papritmas filluan të vjellin pasi u ankuan për djegie të syve. Disa prej tyre u ra të fikët ose pësuan sulme”, tha një zyrtar mjekësor në Spitalin Shtetëror Eluru për ‘Indian Express’.
Shenjat e koronavirusit nuk janë saktësisht ato të një gripi të zakonshëm.
Personat e prekur prej tij nuk i shqetëson më shumë bllokimi i hundëve apo acarimi i fytit siç ndodh me shumë viroza stinore. Simptomat kryesore të Covid 19 janë:
– Temperaturë
– Dhimbje koke
– Kollë e thatë
– Dhimbje muskujsh
– Vështirësi në frymëmarrje
Problemet e frymëmarrjes mund të shfaqen pas një jave. Në një pjesë të rasteve, nevojitet trajtim spitalor. Problemi sipas mjekëve është se 50% e pacientëve të prekur nga koronavirusi, nuk kanë simptoma, ose kanë pak të tilla. Në rastet më të rënda, infeksioni mund të shkaktojë pneumoni, sindromë të rëndë akute respiratore, insuficiencë të veshkave e madje dhe vdekjen.
