Dalin detaje të reja nga mbledhja e grupit parlamentar të Partisë Socialiste, drejtuar nga kryeministri Rama. E sigurisht, mes të tjerash është diskutuar edhe lidhur me krizën politike, ku Partia Demokratike mund të vendosë djegien e mandateve.
Mësohet se gjatë diskutimeve, Rama u ka bërë thirrje deputetëve që të vijojnë punën për zgjedhjet lokale pavarësisht se çfarë bën opozita.
Burime për “Panorama” bëjnë me dije se Rama ka falënderuar Ministrin e Brendshëm dhe policinë, e cila sipas tij, beri një menaxhim te shkëlqyer te protestës se opozitës.
“Le ta pergezojme e falenderojme te gjithe se bashku ministrin e brendshem e permes tij drejtuesit e punonjesit e Policise se Shtetit, per menaxhimin e shkelqyer te nje proteste te gatuar per dhune e per destabilizim. Kush kerkoi dhune u perball me nje model krejt te ndryshem sjelljeje te pushtetit ndaj protestuesve, perkunder modelit kriminal te atyre qe dje vrane protestuesit, sot duan te vrasin shpresen europiane te shqiptareve,”– mesohet te kete thene Rama para deputeteve.
Sipas Rames, opozita deshtoi me sukses te plote ne orvatjen e saj te deshperuar dhe tani premton djegie mandatesh.
“Nese djegia e mandateve nuk eshte nje tjeter ballo me maska e Lulzim Bashes, pra nje cader ne forme bojkoti para zgjedhjeve te qershorit, do te jete sidoqofte e veshtire te realizohet konsensusi mes tyre. Dhe Lulzimi e di kete por luan bllofin,”– ka thene Rama.
Nderkohe qe ka kerkuar nga deputetet angazhim maksimal ne rrugen e nisur.
“Ne do te ecim drejt, duke degjuar njerezit, duke e permiresuar cdo dite qeverisjen, duke u organizuar me mire se asnjehere per zgjedhjet vendore. Hyjne nuk hyjne ata ne zgjedhje, (qe une them qe do hyjne pasi te bejne sikur nuk hyjne deri ne minuten e fundit), ne duhet te fitojme jo thjesht votat e shumices, po zemrat e besimin e edhe me shume qytetareve se sa heren e shkuar,”– mesohet te kete thene kryeministri Rama.
Burimet per “Panorama” bejne me dije se ne kete mbledhje eshte vendosur se nje grup pune i drejtuar kryetari i ligjeve Ulsi Manja dhe ministrja e drejtesise Etilda Gjonaj, do te propozoje keto dite sanksione te forta ne rregulloren e Kuvendit per deputetet qe perdorin dhune te cdo forme apo fjale te renda ne parlament.
