Një ditë pasi konfirmoi rikthimin e tij në Partinë Demokratike, Besnik Mustafaj është shfaqur sot në krah të kreut të PD-së, Lulzim Basha.
Siç duket, ai është përzgjedhur nga Basha për ta shoqëruar këtë të fundit në vizitën e tij dy ditore në Kosovë, me ftesë të kryeministrit Avdullah Hoti.
Pas Genc Rulit, ish-ministri i Jashtëm, Mustafaj do ti bashkohet grupit të personaliteteve që do përzgjedhin mes kandidaturave që kanë propozuar strukturat e bazës së demokratëve.
Pas këtij rikthimi të bujshëm, Mustafaj ka bërë të qartë se ky vendim për t’u kthyer në forcën politike ku ka milituar dhe ka dhënë kontribut të madh, nuk lidhet aspak për të marrë një post.
Sipas tij, rikthimi në PD ka të bëjë për të dhënë kontributin e tij për të ndihmuar në procesin e zgjedhjes së kandidatëve për deputetë.
