Përveç Durrësit, një nga qytetet që u prek më së shumti nga lëkundjet e tërmeteve ishte edhe Tirana. Disa banesa u dëmtuan, si dhe dhjetëra qytetarë u lënduan pasditen e djeshme.
Një grua, e cila banon në zonën e Kombinatit në kryeqytet ka rrëfyer e traumatizuar për “News24” momentet e tmerrit që përjetoi së bashku me të birin dhe nënën nga lëkundjet e njëpasnjëshme sizmike.
“Sapo kisha vënë djalin në gjumë. E kam futur poshtë trupit, që mos t’i kapej koka, dhe e kam nxjerrë jashtë. Nuk kam fjetur në shtëpi, vajtëm në hotel, me një çmim 25 mijë lekë, edhe pse ditët e tjera e ka 15 mijë. Jemi 65 familje. Nëse këtu jetohet dhe dikush merr përsipër rrezikun, unë që tani e fus djalin e sëmurë. Nuk kërkojmë luks, por një apartament ku mund të japë shërbimet mjekësore, ku mund t’i jap ushqim fëmijës”, ka treguar gruaja.
