Djali i bosit meksikan të drogës, Joaquín ‘El Chapo’ Guzmán, ka organizuar festa për banorët në Sinaloa, Meksikë, duke u ofruar darkë falas dhe duke dhuruar të paktën 10 makina.
Rrjetet sociale meksikane janë mbushur me video, ku automjetet duken të vendosura rresht në një qytezë të Sinaloas.
Daily Mail shkruan se veprimet e Ivan Archivaldo Guzman ngjajnë me ato të ish-bashkëpunëtorit të ‘El Chapos’, Pablo Escobar, i cili shquhej për dhurata bujare, herë pas here.
Guzman është pothuajse “i paprekshëm” tashmë në Meksikë. Pak muaj më parë, ai u arrestua nga policia, por u lirua sërish, pasi njerëzit e kartelit të drogës iu vërsulën ndërtesave të policisë me armë të rënda, duke i detyruar të tërhiqen.
Iván Archivaldo Guzman, 36-vjeç, është një nga gjashtë djemtë e ‘El Chapo’, bashkëthemeluesi i Kartelit të drogës Sinaloa. ‘El Chapo’ u dënua me burgim të përjetshëm në korrik të këtij viti, nën akuzat për trafikim droge.
