Në kuadër të Ditës Botërore të Shëndetit, Ministrja e Shëndetësisë Ogerta Manastirliu ka shprehur publikisht mirënjohjen e saj për të gjithë mjekët dhe infermierët.
“Një falenderim nga zemra të gjithë mantelbardhëve që na nderojnë çdo ditë të vitit dhe po tregojnë edhe njëherë që asgjë nuk mund t’i mposhtë edhe në këto kohë të vështira”, shkruan ndër të tjera Manastirliu në rrjetin social Facebook.
Reagimi i plotë i saj: “Sot, në Ditën Botërore të Shëndetit, mirënjohje e thellë për mjekët, infermierët, ata që, mbi përparësen e bardhë veshin çdo ditë armaturën mbrojtëse ne betejën e rradhës në emër të jetës!
Këto pamje që shihni janë nga vija e parë e zjarrit të luftës me COVID-19, në spitalin infektiv. Janë mjekë dhe infermierë që prej ditësh kanë lënë familjet dhe njerëzit e tyre të dashur pa i parë e pa i takuar dhe kujdesen me dhembshuri dhe profesionalizëm për të prekurit nga COVID19.
Një falenderim nga zemra të gjithë mantelbardhëve që na nderojnë çdo ditë të vitit dhe po tregojnë edhe njëherë që asgjë nuk mund t’i mposhtë edhe në këto kohë të vështira.
#FORCA
#DitaBotëroreEShëndetit”.
