Presidenti turk, Recep Tayyip Erdogan ka njoftuar se zyrtarët lokalë kanë filluar me shpërndarjen e maskave mjekësore falas për qytetarët.
Mediat turke raportojnë se kjo masë është marrë pasi shitja e tyre do të ndalohet në të gjithë vendin.
Erdogan tha se Turqia ka vendosur të kufizojë lëvizshmërinë, për t’u siguruar që qytetarët të qëndrojnë në shtëpi, me përjashtim të atyre që punojnë.
Më herët ditën e sotme Erdogan bëri me dije se në Stamboll do të ndërtohen edhe 2 spitale për të trajtuar pacientët me koronavirus. Spitalet do të kenë një kapacitet prej 1 mijë shtretër.
Deri më tani në Turqi janë shënuar më shumë se 30 mijë raste infektimi me COVID-19. Numri i viktimave ka shkuar në 649, ndërsa 1,326 persona janë shëruar.