Kryeministri i Shqipërisë, Edi Rama teksa qëndron në Kosovë, ka folur në lidhje me diskutimet mes Shqipërisë dhe Greqisë. Sipas Ramës, deri tani janë bërë diskutime në nivelin politik me shtetin fqinj, por tashmë ne po kërkojmë plotfuqishmërinë e Presidentit të vendit.
Ndërkohë Rama theksoi se Presidenti Meta është konsultuar me ish-pararendësit e tij, pasi është një cështje të cilën, kreu i ekzekutivit tha se kjo është në interes kombëtar. Për qëndrimin e Berishës, i cili është shprehur kundër negociatave me pretendimin se po cenohet interesi territorial, Rama shprehet se e kupton qëndrimin e Berishës. Ai tregoi në Klan Kosova edhe temat të cilat janë biseduar me Greqinë, duke sqaruar se disa tema që bisedohen në publik, nuk janë të vërteta.
“ Berisha ka kundërshtuar hapur këtë proces, por më duhet ta mirëkuptoj. Palët janë dakordësuar për një marrëveshje të re, por ju them se nuk ka qenë e lehtë. Teknicienët duhet të negociojnë në terren. Kjo do të përcaktoj sovranitetit të Shqipërisë mbi trojet e veta. Shpeshherë janë bërë pengesë problemet e së shkuarës , na janë bërë problemet në të ardhmen. Fatkeqësisht opozita nuk e ka këtë qasje. Kjo duhet të vendoset sipas interesit kombëtar. Me presidentin duhet të jemi në një qasje, pasi kjo duhet të prodhoj seriozitet. Minoritetin dhe varrezat dhe ne i kemi adresuar. Ne kemi treguar se nuk kemi ndonjë tendencë në lidhje me këtë pjesë, por kemi treguar të kundërtën. Çamët, ushtarët, ligjin, detin, janë ato që ne i kemi ngritur dhe jo Greqia, ajo ka ngritur varrezat dhe minoritetin”-shtoi ai.
