Një shtetas shqiptar është prangosur nga policia italiane, pasi i gjetën në shtëpi qindra doza kokainë, hashash, marijuanë, të gatshme dhe të paketuara.
Autoritetet vendase konstatuan se shtëpia e shqiptarit me iniciale L.E, 36-vjeç, në Torre Angela ishte kthyer në një qendër të trafikimit të drogës, pasi gjatë patrullimit të përnatshëm, policia evidentoi dy persona të dyshimtë që po dilnin nga shtëpia me nga një kuti në duar.
Policët e ndoqën shqiptarin deri në banesën e tij, ku më pas sekuestruan edhe rreth 200 doza kokainë, hashash, marijuanë dhe një pistoletë të mbushur me fishekë.
