Një 18-vjeçar është kapur në flagrancë, pasi përhapi panik tek banorët dhe pushuesit në Golem, duke u thënë se do binte një tërmet i fuqishëm. Policia sqaron se kanë nisur hetimet për 18-vjeçarin me iniciale G.A., i cili në Golem me një autoparlant u ka bërë thirrje banorëve që të gjithë të dilnin jashtë, se do të binte tërmet.
Për të riun materialet hetimore janë referuar në Prokurorinë pranë Gjykatës së Shkallës së Parë Kavajë, për veprën penale “Përhapja e informatave të rreme që ngjallin panik”.
“Më datë 19.09.2021, u referuan materialet në Prokurorinë pranë Gjykatës së Shkallës së Parë Kavajë, për veprën penale “Përhapja e informatave të rreme që ngjallin panik” për shtetasin G. A., 18 vjeç, pasi në Golem, u kap në flagrancë duke bërë thirrje me altoparlant “Dilni jashtë, tërmet 8 ballë”, duke ngjallur panik tek banorët”, thuhet në njoftimin e policisë.
