Seanca e sotme plenare është shoqëruar me debate në sallën e Kuvendit. Përplasja në Kuvend ka ndodhur ndërmjet deputetëve të Partisë Demokratike, Gazment Bardhi dhe Edmond Spahos.
Shkaku i sherrit mes tyre është bërë deklarata e bërë një ditë më parë në emisionin “Open” nga Gazment Bardhi, që tha se një nga deputetët e Rithemelimit “ka një vilë që kushton 760 mijë euro” dhe i ka akuzuar si peng të Edi Ramës. Disa media aluduan se mund të ishte Spaho. Në Kuvend shihet kur në karrigen që është ulur Gazment Bardhi afrohet Jorida Tabaku, Tritan Shehu dhe Edmond Spaho.
Mes Spahos dhe Bardhit shihet debati i ashpër, ku janë përdorur dhe fjalët ku Bardhi i thotë: “Po shko mor zhduku”, “s’të vjen turp”, “palaço”.
Spaho i drejtohet Bardhit: “Si nuk keni turp”.
“Shko more” – i është drejtuar Bardhi-Edmond Spahos.
“Dil jashtë po ta mbajti” – i përgjigjet ai.
