Kryeministri britanik, Boris Johnson, u fut në oksigjen pasi gjendja e tij u përkeqësua shumë nga koronavirusi. Por ndërsa gjendja e tij është tejet e rënduar, dikur nuk mendonte se COVID-19 do të ishte kaq i rrezikshëm.
Johnson ishte i vetmi lider europian që nuk kishte ndërmarrë ende masa për parandalimin e përhapjes së virusit. Madje ai ishte kundra izolimit, dhe shprehej se imuniteti duhej fituar në tufë, si e vetmja mënyrë për të fituar luftën ndaj koronavirusit vdekjeprurës.
Në një deklaratë për mediat më datë 3 mars, Boris Johnson ka treguar se iu ka dhënë dorën qëllimisht pacientëve me koronavirus, pasi virusi nuk do e ndalonte të përshëndeste pacientët në spital.
Burimet e spitalit “St Thomas” ku po mbahet i shtruar kryeministri Boris Johnson, kanë thënë për “The Times” se ai nuk ishte vendosur në një ventilator, por i nevojiteshin 4 litra oksigjen.
“Johnson, 55 vjeç, nuk është intubuar – ku një tub futet në trake përpara ventilimit, por i duheshin katër litra oksigjen në kujdesin intensiv, thanë burimet në spital. Pragu normal për kujdes intensiv është 15 litra, duke thënë se ai ishte në gjendje më të mirë se pacientët e tjerë në përgjithësi”.
