Elvana Gjata pasi mori çmimin e dytë në festival, kishte refuzuar që të jepte intervista. Siç duket, këngëtarja e ka përjetuar keq këtë garë. Shumë pikëpyetje u ngritën nga fansat e këngëtares, lidhur me mos triumfin në ‘Festivalin e Këngës’.
Debati në rrjet vijon ende. Po anëtarët e jurisë si votuan? Tashmë janë publikuar pikët e dhëna nga secili prej anëtarëve të jurisë për 12 këngëtarët në garën e finales.
Ajo çka vihet re është se vetëm vendasit e kanë vlerësuar Elvanën me pikët minimale, ndryshe nga kolegët e huaj, që i kanë dhënë pikët maksimale. Mikaela Minga – 2 pikë, Rita Petro – 8 pikë.
Ndërsa, Christer Bjorkman, Felix Bergsson dhe Dimitris Kontopoulous kanë vlerësuar me 18 pikë artisten. Në total, me përllogaritjet zyrtare rezulton që Elvana Gjata të ketë mbledhur 64 pikë nga 67 të Arilenës.
