Në fund të muajit gusht, një video u bë virale për shkak të dhunimit të një vajze, të cilën e detyronin të pohonte se kishte kryer marrëdhënie seksuale me partnerin e mikes së saj. Policia reagoi me vonesë. Për gati 24 orë videoja u shpërnda në çdo faqe virale rrjeti, ku e reja dhunohet dhe shantazhohet nga Margarita Gjoni.
Kjo e fundit dhunoi të dashurën e të fejuarit, Brisilda Rrokun. E reja, në një intervistë për “Shqipëria Live”, ka rrëfyer se është kërcënuar që të bënte atë video. Ajo ka thënë se Margarita Gjoni së bashku me mikeshat e saj e kanë ftuar për kafe, dhe më tej e kanë çuar në shtëpi, duke i bërë presion me thika. Në atë çast, e kanë detyruar që të bënte videon, që u shpërnda në kohë reale. Po kështu e kanë kërcënuar në prani të familjarëve.
“Me Nojën kam patur raport miqësor. Kam pak kohë që i njoh dhe nuk është aspak e vërtetë që më kanë mbajtur me bukë për dy vite.
Nuk kam punuar në lokalin e tyre, vetëm i kam ndihmuar kur kam patur kohë të lirë. Unë kam punuar në një call center dhe s’kam pas asnjë lidhje me Margaritën. Raporti jonë ka qenë rastësor, kam patur jetën time.
Më kanë ftuar për kafe dhe më çuan në shtëpi, e më bënë presion me thika. Më detyruan që të bëja video. Më morën nga çanta gjërat e mia dhe më bënë presion që të bëja videon. Më thanë se do më vrisnin dhe më kërcënuan me familjen. Gjithashtu kanë ardhur e më kanë kërcënuar te shtëpia ime, në prani të familjarëve”, tha 22-vjeçarja.
E pyetur nëse ka patur lidhje me Nojën, ajo e mohoi një gjë të tillë. “Nuk është aspak e vërtetë se kam hyrë mes tyre. Ata kanë pas probleme, dhe unë nuk di shumë për to. Nuk kam patur shumë konfidenca me to, por di që kanë qenë të ndarë”, tha Brisilda.
Biseda në video:
Vajza e dhunuar: ‘Kam ardh në 2 sahati prej pune ske qenë ti aty, edhe i kam thënë më jep 10 mijë lekëshin që më ke borxh se jam pa lekë, se janë edhe 100 mijë lekë të tjera që mi ka borxh filani dhe më ka thënë hajde pak mbrapa e të kallxoj. Edhe nejti tu më puth e tu më prek.
Margarita: E manej? Keni kry marrëdhënie. Nuk a marre me e than. A ke kry marrëdhënie me ta? Se një mashkull kur të puth kur të fut duart normal që q*hesh. A je q* me ta?
Vajza e dhunuar: Vetëm një herë.
Margarita: Çohu. Ke shku me atë mashkull?
Vajza e dhunuar: Vetëm një herë.
Margarita: Si a kenë puna, ma kallxo dhe një herë prej fillimit.
Vajza e dhunuar: Ta kallxova nji herë, thashë më ka ngacmu puna e 10 mijë lekshit. Më tha mos e kallxo njeriu.
