Kryeministri Edi Rama, mori sot pjesë në forumin e dytë Rajonal që u mbajt në Tiranë me temë “Fund dhunës ndaj grave në Ballkanin perëndimor dhe në Turqi: Zbatojmë Normat, Ndryshojmë mendësitë ”.
Në fjalën e tij, Rama tha se do të forcohen masat për mbrojtjen e grave nga abuzimi. Ai foli edhe rreth procesit të vettingut, duke u shprehur se sistemi i kalbur i drejtësisë ka ndikuar në një zinxhir të gjatë ngjarjesh tragjike.
Ai thekson se si pasojë e kësaj gratë janë dhunuar dy herë, brenda mureve të shtëpisë dhe nga drejtësia.
“Ky proces le të themi i kalbur i drejtësisë ka kaluar një zinxhirë të gjatë ngjarjes tragjike, presioni dhe dhune. Kemi parë raste që janë të padurueshme, kanë qenë raste kur gratë janë dhunuar dy herë. Pasi janë dhunuar në muret e shtëpisë, janë dhunuar edhe në prokurori pasi është mbajtur ana e burrit. Shumë shpejt do të dalim me një propozim të rreptë, mund të jetë kontrovers, por më mirë të dalim me propozim sesa të rrimë në vend numëro”, deklaroi Rama.
