E premte, 28 Janar, 2022
9.5 C
Tirana

Dhjetoristët braktisin Berishën, Bislim Ahmetaj jep deklaratën e fortë

Partia Demokratike dje kujtoi 8 dhjetorin e 1990, por për herë të parë e ndarë. Kryedemokrati Basha ishte i pranishëm tek Art Turbina në aktivitetin për Ditën e Rinisë “8 Dhjetori, përmes veprave të autorëve”, ndërsa ish-kryeministri Berisha ka qenë pranishëm në një ceremoni të organizuar përpara shtatores së Azem Hajdarit, në “Qytetin Studenti”. Para pak ditësh Berisha njoftoi se do të mbante një takim me dhjetoristët. Por dje të pranishëm ishin vetëm Bislim Ahmetaj dhe Aleksandër Biberaj.

Ish-kryeministri gjatë fjalës së tij lëshoi një lum akuzash në drejtim të Bashës, se i ka çuar demokratët nga humbja në humbje, dhe PD nuk është më ajo që ka qenë për faj të tij. “Demokratët kaluan nga një humbje në humbjen tjetër, jo për shkak të tyre, por krejtësisht për shkak të njeriut, që pas 8 vitesh meriton të quhet aspak dhe as më shumë se Lulzim Boshi ose peng-kryetari.

Në këto tetë vite, shqiptarët u larguan nga Shqipëria njëlloj si në vitin 1991. Regjimi në pushtet vriste shpresën çdo sekondë dhe minutë. Shqipëria, një vend i bekuar me pasuri përrallore dhe potencialin e saj, me inteligjencën e njerëzve, u bë vendi i shpresës së munguar.

U bë vendi i dëshpërimit dhe pesimizmit. Këto erdhën pasi në 8 vite, PD pushoi së qenurit ajo që ishte. Drejtuesi i saj preu një nga një kolonat mbi të cilat ajo ishte ngritur, parimet mbi të cilat ajo qëndronte. Nëse sot themi se Edi Rama është armiku më i egër i pluralizmit, Lulzim Basha është tradhtari më i madh”, tha ai.

Bislim Ahmetaj, teksa ka qenë i ftuar dje në në emisionin “Repolitix”, tha se Berishës ia ka thënë në zyrë që ka bërë gabimin më të madh që ka vendosur Bashën në krye të selisë blu ndërsa shtoi se ish-kryeministrin e ka quajtur politikan të ciklit të mbyllur, por ka ndryshuar mendim se ka ngjallur shpresë tek demokratët.

Lexo edhe :   Mesazhet e Nokës me Nikollën e Manjën/Alibeaj: “Foltorja” bashkëpunon me Ramën

“Brezi i ri e ka të pamundur ta imagjinojë sa të poshtëruar kemi qenë, dhe sa njerëz kanë qenë në burg kur ne u ngritëm në lëvizjen studentore. Ato pjesë e Sigurimit të Shtetit kanë mundur të shpërndajnë tymnajë dhe ligësi që vunë në dyshim arsyet e lëvizjes së studentëve të Dhjetorit.

Lexo edhe :   Kohë për “dasëm” ke gjetur, o Lulzim

Presioni ka qenë aq i madh, sa ne kemi menduar se s’do dilmin kurrë të gjallë nga ajo lëvizje. Na u bashkua inteligjenca më në zë e kohës, kanë qenë pedagogë tanë. Ai trekëndësh që e shpëtoi lëvizjen studentore pa u bërë pis, janë studentët, pedagogët tanë, ndër ta dhe Sali Berisha, Aleksandër Meksi dhe Gramoz Pashko.

I kemi njohur si njerëz dhe si pedagogë. U bashkua i gjithë qyteti i Tiranës. Ka pasur një mendim për të na izoluar, por dështuan se shpërtheu e gjithë Tirana me mbi 100 mijë vetë që vinin nga e gjithë Shqipëria. Ajo lëvizje ka qenë një trinom i jashtëzakonshëm, si trinomi i shenjtë”, u shpreh ai.

- Reklama -

Më shumë nga kategoria




Të fundit

Fakte të panjohura mbi shkencëtarët më të famshëm të të gjitha kohërave

Ju ndoshta mund t’i njihni emrat e këtyre figurave historike të shkencës, si dhe zbulimet e tyre më të famshme. Por ndoshta mund të...

Pas acarit, rikthehen reshjet e shiut. Si do të jetë moti për këtë fundjavë

Reshjet e shiut pritet të jenë prezente që në orët e para të 24-orëshit të ditës së shtunë, në pjesën më të madhe të...

Shp*rthimi në banesën e Dukës, 34-vjeçari i arrestuar me shenja dj*gie në dorë

34-vjeçari i arrestuar për vendosjen e tritolit në banesën e kreut të Federatës Shqiptare të Futbollit, Armand Duka, rezulton me shenja djegie në dorë....

Pa të dashurën me shokun e tij, detaje nga sherri me th*ka në Berat

Detaje të reja janë hedhur në dritë sa i takon sherrit me thika në Berat, ku dy persona përfunduan me plagë të shumta në...

Faza e fundit e konfliktit dhe fati i “Foltores”

Nga: Ergys Mërtiri Pas muajsh tensione që degjeneruan deri në konfrontim fizik, përplasja Basha-Berisha po fillon të zbehet, ndërsa revolucioni i organizuar nga foltorja shkon...