Pandemia ka ndryshuar sezonin veror. Pas një beteje me COVID-19 e cila ende vazhdon, turizmi po zhvillohet nën rregulla të rrepta. Bizneset vijon punën duke zbatuar protokollet. Hotelet zhvillojnë aktivitetin nën masa të rrepta sigurie dhe higjiene.
Ndërsa shqiptarët dhe turistët e huaj, këta të fundit të paktë në numër në krahasim me vitet e tjera, po shijojnë detin e kristaltë, gazetari Enrik Mehmeti ka paraqitur edhe anën tjetër të medaljes.
Bashkëngjitur një videoje që e ka shpërndarë në rrjetin social Facebook, ai ka shkruar: “Mbytet anija ushtarake për qëllime turizmi në Dhërmi”.
Kjo video ka marrë vemendjen e ndjekësve, të cilët nuk janë kursyer me komentet. Anija e rrënuar qëndron në det, e ndërsa ndjekësit japin edhe disa opsione se çfarë mund të bëhet me të. Siç duket edhe nga pamjet, Ministri i Turizmit dhe Mjedisit, Blendi Klosi, po mbikëqyr situatën. Aniija e vjetër është vendosur të fundoset qëllimisht në gjirin pranë Dhërmiut.
Anija do të mbytet për qëllime turistike, pra që të apasionuarit pas zhytjes të kenë mundësi ta vizitojnë më pas. Një anije e tillë e mbytur mund të shërbejë si ekosistem i ri për gjallesat ujore.
