Sot kryetarja e Bashkisë së Shkodrës, Voltana Ademi, tha se dy ekzekutimet duhet të tmerrojnë Ramën dhe të gjithë qeverinë. Referuar qëndrimit të saj, gazetari investigativ Artan Hoxha, nga studio e ‘Report Tv’ tha se kryetarja e Bashkisë së Shkodrës është personi që ka qenë direkt në presionin e grupeve kriminale.
“Rama duhet të tmerrohet”/Kryebashkiakja e Shkodrës bën deklaratën e fortë
Hoxha, duke analizuar situatën tha se grupet kriminale kanë investuar në këtë qytet, janë përfshirë në fushata elektorale, e po kështu janë përfaqësues në Këshilla Bashkiak.
“Grupet kriminale nuk janë penguar të investojnë në atë qytet, janë përfshirë në fushata elektorale, janë përfaqësues në Këshilla Bashkiak. Shikoni konfliktet në Këshill, me kë i bën, kam parë njerëz që ia drejtojnë gishtin në fytyrë kryetares së Bashkisë së Shkodrës, është në situatë të pazakontë. I drejtojnë gishtin në fytyrë në mbledhje të Këshillit Bashkiak para kamerave”, tha Artan Hoxha.
E gjithë seria e ekzekutimeve mafioze/Mesazhi i Astrit Bilalit pas vrasjes së çiftit në Shkodër
