Policia e Shtetit ka dhënë detaje lidhur me operacionin “Smoke Snake”, të finalizuar në Itali, ku janë lëshuar 26 urdhër-arreste.
Mësohet se nga 21 të arrestuarit, 3 janë shqiptarë dhe 18 janë italianë.
Organizata kriminale italo-shqiptare u godit mëngjesin e sotëm pas një operacioni policor ndërkombëtar antidrogë në zonën e Napolit dhe Kazertas.
Sipas Policisë së Shtetit, operacioni anti-drogë ka nisur në qershor të 2016-ës, ndërsa mediet italiane raportojnë se ky operacion kishte nisur që në maj të 2016-ës.
Po ashtu, në njoftim thuhet se nga viti 2016 janë sekuestruar 38 kg Marijuanë dhe 8 kilogramë Heroinë dhe 500 mijë euro pasuri: 2 apartamente, 1 autoveturë, 3 kompani, 65 llogari bankare 18.000 euro në Cash.
Njoftimi i Policisë së Shtetit:
Operacion ndërkombëtar antidrogë i koduar “SMOKE SNAKE”
Gjatë orëve të para të mëngjesit është zhvilluar një operacion policor ndërkombëtar antidrogë në zonën e Napolit dhe Kazertas.
Ky operacion ka bërë të mundur të shkatërrohet një organizatë kriminale Italo-Shqiptare dhe gjatë ditës së sotme janë lëshuar 26 urdhër arreste nga Prokuroria e Napolit.
Operacioni i koduar “SMOKE SNAKE” është kryer nga Guardia di Finanza e Marcianise dhe ka filluar në Qershor të vitit 2016.
Që me nisjen e hetimit të këtij grupi deri në finalizimin e operacionit ka patur një shkëmbim në kohë reale informacionesh mes Policisë së Shtetit, Guardia di Finanza-s dhe Policisë Italiane nëpërmjet Zyrave Ndërlidhëse në Itali dhe Tiranë.
Nga viti 2016 janë sekuestruar 38 kg Marijuanë dhe 8 kilogramë Heroinë.
500 mijë euro pasuri: 2 apartamente, 1 autoveturë, 3 kompani, 65 llogari bankare 18.000 euro në Cash.
Gjatë orëve të para të mëngjesit janë ekzekutuar 21 urdhër arreste, për 21 shtetas;
18 Italianë dhe 3 Shqiptarë.
Shtetasi Shqiptar me iniciale L.C. vjeç 36 u arrestua sot gjatë operacionit, ndërsa dy të tjerë janë arrestuar më parë në flagrancë po në kuadër të këtij operacioni.
E.N. vjeç 26 ka qenë i arrestuar dhe iu bë njoftimi i urdhër arrestit në burg.
E.Sh vjeç 39 ka qenë i arrestuar dhe iu bë njoftimi i urdhër arrestit në burg.
Gjatë operacionit është sekuestruar edhe një sasi Heroinë, rreth 1 kg në Napoli.
Po gjatë operacionit janë sekuestruar edhe asete të tjera të përfituara nga veprimtaria kriminale që kalojnë gjysmë milioni euro.
Organizata kriminale operonte në fushën e drogave të forta kryesisht të tipit Heroinë në zonën e Napolit dhe Kazertas.
Operacioni është në vazhdim dhe për këtë arsye nuk mund të japim detaje të mëtejshme.
