Zbardhen detaje të reja në lidhje me ngjarjen e rëndë, që u regjistrua ditën e sotme në Gjilan.
Më herët, ditën e sotme një efektive e policisë dyshohet të ketë vrarë prindërit, më pas dy vëllezërit, e në fund të ketë kryer vetëvrasje.
Zëdhënësi i Policisë në Gjilan, Ismet Hashani tha se shtetasja me inicialet V.B. nuk ka qenë e pezulluar dhe se ka punuar në stacionin policor në Gjilan.
“Ka qenë police e stacionit policor të Gjilanit, police e Kosovës. Nuk ka qenë e suspenduar, për informata shtesë sigurt keni me u informuar”, tha ai.
“Dyshohet se një zyrtare policore në shtëpinë e saj ka vrarë nënën, babën dhe dy vëllezërit dhe pastaj veten. Ishte zyrtare policore aktive dhe dyshohet se ka përdorur armën zyrtare. Për të gjitha detajet tjera iu informojmë ndërkohë, sepse jemi duke e hetuar”, tha prokurori Arben Kadriu, që ka marrë në dorë këtë çështje.
