Një përplasje me armë zjarri është shënuar sot në Elbasan, si pasojë e të cilës ka mbetur i plagosur shtetasi Ardian Çapja i cili është një emër i njohur për policinë.
Ky i fundit ndodhet në spital nën kujdesin e mjekëve dhe aktualisht i është nënshtruar një ndërhyrje kirurgjikale.
Por nga ana tjetër familjarët e tij kanë mohuar faktin se ai është plagosur me armë zjarri. Ata i kanë thënë policisë në spital se Çapja është rrëzuar në shtëpi dhe është lënduar.
Ngjarja është regjistruar në lagjen e quajtur Kraste. Ndërkohë shumë pranë banesës së të plagosurit ka marrë flakë një mjet që nga të dhënat e policisë mësohet se ka pasur targa false.
Elbasan/Informacion paraprak
Më datë 08.06.2020, rreth orës 09.37, në urgjencën e spitalit Elbasan, është paraqitur për ndihmë mjekësore shtetasi A.Ç.,rreth 55 vjeç, banues ne lagjen “Emin Matraxhiu”, Elbasan, dyshohet i plagosur me armë zjarri. Policia po punon për sqarimin e rrethanave të ngjarjes.
