E hënë, 21 Qershor, 2021
32.5 C
Tirana

Detaje tronditëse nga masakra në Elbasan/ Lefter Zhidru kishte lidhje me bandat në Elbasan, Vlorë dhe Sarandë

Grupi hetimor po kryen veprimet e fundit të këqyrjes së vendit të ngjarjes, pas masakrës në Elbasan. Në banesën e 71-vjeçarit Lefter Xhidru, janë parë të afërm të tij, ndërsa fqinjët thonë se Zhidru ka qenë problematik dhe krijonte konflikt me të gjithë banorët në pallat, ndërsa herë pas here thonë se dhunonte edhe bashkëshorten.

Zhidru me origjinë nga Xarra e Sarandës, mësohet se ka punuar si zetorist dhe në vitet ’90 ka ikur në Rumani, ku më tej ngriti një biznes ambulant të furnizimit me pulla dhe fitila gomisteritë. Ata që e njohin thonë që ishte njeri i çuditshëm, por i qetë, megjithëse të tjerë e cilësojnë dhe si problematik.

Burimet thonë se Zhidru është marrë me tregti lëndësh shpërthyese dhe fishekësh, dhe kjo shpjegon faktin se dje pas ekzekutimit të tij, policia i gjeti në banesë lëndë plasëse. Po ashtu besohet se ai ka pasur lidhje me bandat në Elbasan, Vlorë dhe Sarandë, e po ashtu ka lidhje të forta në Rumani dhe Bullgari, shkruan Top Channel.

71-vjeçari u ekzekutua pas 5 orësh rezistencë, duke mos iu bindur thirrjeve të vazhdueshme të policisë.

Lefter Zhidru ka qenë një ish-oficer, prandaj edhe ka patur njohje në lidhje me përdorimin e armëve. I ndjeri ka qenë i martuar tri herë dhe ka fëmijë me secilën nga gratë.

Sherri mes 71-vjeçarit Lefter Zhidru dhe ish-gruas së tij kanë nisur pas pretendimeve se ajo e tradhëtonte. Të paktën këto kanë qenë deklaratat fillestare të saj para policëve, me të cilët ka komunikuar në gjendje të rënduar, për shkak të presioneve nga bashkëshorti brenda në banesë.

Gjithçka nisi si një kallëzim për një sherr brenda familjes. Ka qenë ish-bashkëshortja e 71 vjeçarit, ajo e cila ka njoftuar policinë, pasi kishte dalë pa u lënduar nga banesa. Por kur policët kanë tentuar të marrin në pyetje Lefter Zhidrun, ata janë përballur me breshëri armësh që plagosën dy të rinj, kalimtarë të rastit.

Lexo edhe :   Aksident i rëndë në Elbasan, plagosen dy persona
- Reklama -

Më shumë nga kategoria




Të fundit

Dorëheqja e Ruçit/ Zheji: E largoi Rama

Analisti i njohur, Artur Zheji deklaroi se kryeministri Edi Rama e largoi kryetarin e Kuvendit Gramoz Ruçi nga Partia Socialiste, për të patur një...

Bie miti: Sipas FBI-së edhe kriptomonedhat janë të identifikueshme

Javën e kaluar, Departamenti amerikan i Drejtësisë, njoftoi se kishte zbuluar dhe konfiskuar pothuajse gati të gjitha bitcoin-et që ishin paguar në formën e...

10 shprehje nga Servantes, që duhet t’i lexojmë të paktën një herë

"Mos u lut kurrë për diçka që ke mundësi ta fitosh". "Të vërtetën tërhiqe sa të duash, ajo kurrë nuk këputet dhe gjithmonë del mbi...

Kosova padit Malin e Zi, kërkon kthimin e 4.500 metrave katrorë në Budva

Ministria e Drejtësisë së Kosovës ka paditur Komunën e Budvës dhe kompaninë “Sunraf Beach Properties”, duke kërkuar kthimin e rreth 4,500 metrave katror pronë...

Dikur garonte si burrë, sot grua, Laurel Hubbard pranohet në Lojërat Olimpike

Laurel Hubbard do të bëhet sportisti i parë transgjinore që do të garojë në Lojërat Olimpike pasi të jetë zgjedhur për ekipin e grave...