Nënë e bijë u gjetën të pajeta në banesën e tyre, ndërsa vajza tjetër ndodhet në gjendje të rëndë shëndetësore. Mbrëmjen e djeshme u gjetën pa shenja jete nëna Zhaneta Josifi, 56 vjeçe dhe vajza Anisa Josifi, 30 vjeçe. Vajza tjetër Blerta Josifi 34 vjeçe, është dërguar në spital, në gjendje të rëndë shëndetësore.
Nëna dhe dy vajzat mësohet se ishin besimtare të sekti fetar ‘Dëshmitarët e Jehovait’ dhe duket se e kanë ndërmarrë aktin e rëndë të vetëflijimit, pasi besonin tek ringjallja dhe një jetë më e mirë.
Për të nxjerrë trupat e tyre, policia ka hyrë nga dritarja e tualetit, si e vetmja mundësi për tu futur në banesë.
Sakaq, ekspertët që kanë bërë këqyrjen e trupave të pajetë, kanë zbuluar se trupi i vajzës ka qenë në dhomën e saj të gjumit, dhe sipër saj ishin vendosur mbulesa.
Familja Josifi prej 8 vitesh kishin blerë shtëpi në kryeqytet. Ndërkohë gjatë pandemisë ata janë ndihmuar nga Bashkia dhe banorët me ushqime.
Policia në njoftimin zyrtar tha se dyshimet e para janë për vetëflijim. Ndërsa u raportua nga vëllai i Zhanetës, pasi motra e tij dhe dy mbesat nuk i përgjigjeshin në telefon dhe nuk i hapnin as derën.
Ndërkohë drejtori i Policisë së Tiranës, Rebani Jaupi, në një prononcim për mediat nga vendi i ngjarjes dhe se tek trupat e viktimave nuk ka pasur shenja dhune. Ai u shpreh se janë konstatuar shenja të mos-ushqyerjes, ndërsa vajzat ishin të arsimuara.
