Klodiana Lala është shprehur se përveç Redjan Rrajës, në atentat kanë marrë pjesë edhe dy persona të tjerë. Në lidhje me dy të tjerët, gazetarja u shpreh se janë me rekorde kriminale, dhe me origjinë nga veriu i Shqipërisë.
Po kështu, gazetarja ka zbuluar se Redjan Rraja ka vepruar për llogari të grupeve kriminale në Durrës, që kanë interesa direkte me çështjen e pronave.
“Kjo dihet që nuk ka qenë vetë Redjan Rraja. Janë edhe dy persona të tjerë, të cilët janë drejt identifikimit. Ata janë nga veriu, me rekorde të shumta kriminale. Redjan Rraja nuk ka vepruar për llogarinë e tij direkte, por për llogari të grupeve kriminale në Durrës, që kanë interesa direkte me çështjen e pronave.
Prona që rezultojnë me mbivendosje, përfituesi më i madh i të cilave është Pëllumb Muharremi. Sa i përket Redjan Rrajës, se si një njeri që ka qenë stomatolog në burg, dhe është shndërruar në një njeri të rrezikshëm, mbetet për t’u saktësuar”, përfundoi ajo.
Gazetarja nxjerr dëshminë: Gjurmët e Rrajës u gjetën tek syzet
