E martë, 23 Shkurt, 2021
2 C
Tirana

Detaje të forta nga vrasja në Elbasan/ Vëllai iu ekzekutua mëngjesin e sotëm. Kush është Talo Çela, njeriu më i kërkuar i momentit

Një 50-vjeçar u vra me armë zjarri mëngjesin e sotëm, në rrethrrotullimin e Bradasheshit në Elbasan. Viktima është identifikuar si Bujar Çela, vëllai i Talo Çelës, një prej të akuzuarve për grabitjen e Rinasit. Kjo gjë ka ngjallur dyshimet se 50-vjeçari është ekzekutuar sot për shkak të ngjarjeve kriminale ku është përfshirë vëllai i tij.

Bujar Çela u vra teksa po hynte në një lokal, për të konsumuar kafen e mëngjesit. Pas ngjarjes, Forcat Speciale RENEA e FNSH nga Tirana, të cilat kanë nisur krehjen e zonës, nga kërkimet, në fshatin Murrash është gjetur pak më parë një mjet tip Renault me targa AA 876 DC, tërësisht i djegur.

Dyshohet se automjeti i djegur është përdorur në vrasjen e kryer në orën 05:45 të mëngjesit të sotëm. Bujar Çela punonte si taksist pa licencë, ndërsa sot është ekzekutuar teksa ishte duke u futur në ambientet e një lokali. Çela shkonte çdo mëngjes herët tek lokali, ku u ekzekutua, që rrinte i hapur 24 orë, dhe priste pasagjerët që vinin nga autobusët e Greqisë.

Kush është Talo Çela, njeriu më i kërkuar i momentit?

Talo Çela është person i shpallur në kërkim kombëtar dhe ndërkombëtar, pasi Gjykata për Krimet e Renda Tiranë i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

Çela është autori i dyshuar i ngjarjes së datës 9 prill 2019, ndodhur në pistën e aeroportit “Nënë Tereza”, në Rinas, Tiranë, ku persona të maskuar, nën kërcënimin e armëve të zjarrit, kanë arritur të vjedhin një sasi të konsiderueshme vlerash monetare të cilat po ngarkoheshin në avion dhe më pas gjatë shkëmbimit të zjarrit me policinë, mbeti i vrarë njëri prej autorëve kryesorë të kësaj ngjarje.

Ai dyshohet se fshihet pas atentatit me armë zjarri të 2 vëllezërve Haxhia në Durrës. Emri i Talo Çelës ka dalë në dritë përmes dëshmisë së të penduarit të drejtësisë, Klevis Alla, të arrestuar për vrasjen e vëllezërve Haxhia. E bashkë me të, në kërkim është shpallur edhe Nuredin Dumani. Bashkëpunëtori i drejtësisë ka deklaruar se ditën e vrasjes kanë qenë edhe vetë Talo Çela dhe Nuredin Dumani, dhe e gjitha sipas tij, lidhet me disa lekë të humbura.

 

- Reklama -

Më shumë nga kategoria




Të fundit

Mediu i jep fund dyshimeve: Marëveshja me Bashën do bëhet

Kryetari i Partisë Republikane, Fatmir Mediu është shprehur se negociatat me Kryedemokratin Lulzim Basha po vazhdojnë dhe sipas tij mes tyre do të ketë...

Si vdekja e një vëllai nxiti një revolucion

Në një qytet provincial të përgjumur, lindi një djalë me emrin Vladimir Uljanov. Kur të rritej ai do të luante një rol të madh...

Itali/ Kapet me 300 mijë euro drogë biznesmeni shqiptar (Emri)

Një shqiptar i identifikuar si Dorian Resili, ka rënë në prangat e policisë italiane, pasi ky i fundit ëstë kapur me drogë, e cila...

Shëndetësia/ Hajdari: Mjekët paradite punojnë në publik, pasdite në privat

Arrestimi i gjyqtares Enkelejda Hoxha bëri shumë bujë në opinionin publik, pasi ajo kishte liruar nga burgu disa persona të dënuar me burgim të...

Nuk vuani aspak nga i ftohti gjatë dimrit? Ja çfarë e shkakton këtë gjë

Shumica prej nesh,detyrohemi të përjetojmë një periudhë me mot të ftohtë për të paktën një pjesë të vitit. Dhe një studim i ri ka...