Unë u preka nga koronavirusi në Nju Jork në fillim të marsit. Dhe duhet të them se ishte një sëmundje shumë e keqe. Nuk ka asnjë mënyrë tjetër për ta përshkruar.
U ndjeva vërtet shumë sëmurë. Ishte si të kishte një mbidozë gripi. Kjo është mënyra më e thjeshtë për ta përshkruar Covid-19. Simptomat më të rënda më zgjatën 3 ditë.
Por nuk pata në asnjë çast probleme me frymëmarrjen, dhe në asnjë moment nuk mendova se do të vdisja. Tani që kam kaluar periudhën e infeksionit, ndihem mirë. Dhe dje u riktheva në punë, dhe do të shkoj edhe sot për të ndihmuar kolegët e mi.
Do të shkoj edhe për t’i vizituar dhe folur me pacientët, të cilët i lashë shumë të shqetësuar për simptomat që kishin. Ata u testuan në njërën nga qendrat, për të cilat nuk jam e sigurt në ekzistojnë më.
Pastaj unë u ktheva në shtëpi, dhe zura shtratin për 3 ditë. U vetëmjekova me lëngje, me paracetamol. Dhe në fund për të qenë absolutisht e sinqertë, konsumova edhe supë pule. Por asgjë tjetër.
E theksoj, nuk pata në asnjë rast vështirësi në frymëmarrje. Pata sigurisht dhimbje të tmerrshme koke, temperaturë të lartë dhe dhimbje fyti. Pra të gjitha këto simptoma, por asnjë nga komplikacionet që prekin disa njerëz, sidomos ata që vuajnë nga sëmundje kronike serioze, nga të cilat unë për fat të mirë nuk vuaj.
TIRANA TODAY
