Deputeti i opozitës së re, Halit Valteri, i është kthyer keq akademikut të njohur Artan Fuga gjatë Komisionit të Medias, ku ky i fundit po shpjegonte platformën e tij për Akademinë e Shkencave.
Valteri i ka përmendur akademikut nipin e tij, Endri Fugën, njëherazi këshilltari i Ramës për mediat. Sipas tij, problemi nuk qëndron tek Fuga, por është çështje familjare. Por kjo deklaratë duket se e ka prekur Fugën, i cili kërkoi që të mos ngatërrohen çështjet familjare me ato të punës.
“Me gjithë respektin se të ndjek, që kam kur dëgjoj që thua ia kam thënë Eglantina Gjermenit, Lindita Nikollës, Halitit, Fadilit, nuk ke nevojë fare t’ia thuash askujt, se i vetmi njeri që ia hedh trutë Ramës për të bërë këto vendime është nipi juaj zotëri.
Fol me nipin, mbushi mendjen dhe hajde na sill platformën. Kështu që z. Fuga dhe njëherë të jap të drejtë 100% në çdo gjë që thua, por ju e keni problemin familjar”, tha Halit Valteri.
“Unë nuk i ngatërroj problemet familjare me problemet e punës dhe të shtetit, dhe të funksioneve dhe është parimi i parë ky, madje e kundërta do të ishte një formë korrupsioni pasiv”, iu përgjigj akademiku.
“Mendimet e mia u censuruan”, Artan Fuga shpërthen në Komision
