Prindërit e Marvi Mihalit, të vrarë për një karikues, kanë shpërthyer sot ndaj gjykatësit pas vendimit të dhënë për katër të akuzuarit.
E ëma e Marvit ka mallkuar gjykatësit, që një fat të tillë ta provojnë me fëmijët e tyre:
“Sot djalit tim i ka lëviz pllaka e mermerit në varr. Sa të kem jetë të gjithë ata që janë përlyer në këtë histori të ndryrë do të përgjigjen, kjo është tallje, ai e theri, i nguli thikën dhe gjykatësi ndryshon kualifikimin e vrasjes, heq paramendimin, lë vrasje në bashkëpunim me dashje, që të abuzojnë me vendimin. Nuk i bëhet vonë që vdiq djali im, fatin tim të zi e provofshin gjykatësit, në radhë të parë”.
Ndërkohë që për mediat ka folur edhe babai, Pavllo Mihali. “Mallkimi i tim biri i ndjektë këta plehra, si i ndërrojnë falsifikimin, ç’është kjo drejtësi”.
Gjykata e Tiranës dënoi sot me 19 vite burg Dejvis Bitrajn dhe nga 12 vite burg Eugen Bitrajn, Kridens dhe Marsel Allën, në akuzë për vrasjen e të riut Marvi Mihalit.
