Ekonomi

Denaj: Një lajm i mirë për ekonominë

               Publikuar në : 12:15 - 11/09/19 user tir

Ministrja e Financave Anila Denaj së fundmi ka bërë një postim në rrjetin social Facebook, ku shkruan se ka një lajm të mirë për të dhënë në lidhje me ekonominë. “Në tremujorin e dytë 2019-të, papunësia vazhdoi rënien duke kapur nivelin historik prej 11.5%”, shkruan ndër të tjera Denaj.

“Lajm i mirë për ekonominë! Anketa tremujore e forcave të punës, publikuar sot nga INSTAT, konfirmon efektivitetin e politikave nxitëse për punësimin. Në tremujorin e dytë 2019-të, papunësia vazhdoi rënien duke kapur nivelin historik prej 11.5%, ndërsa numri i të punësuarve gjithsej krahasuar me të njëjtin tremujor të vitit 2018-të, u rrit me 3,4 %, duke konsoliduar shkallën e punësimit në 61.4% nga më të lartat në rajon. Ndërkohë shkalla e papunësisë tek të rinjtë shfaq tendencë në rënie e cila krahasuar me tremujorin e dytë të vitit 2018-të, është 1,7 pikë përqindje më e ulët”, shkruan Ministrja e Financave.

Kthehu
WhatsApp Denonco ne TT