Policia ka arrestuar ditën e sotme biznesmenin e ndërtimit Fejzo Dyrmishi.
Arrestimi i tij ka ardhur në kuadër të operacionit të policisë, për arrestimin e personave përgjegjës për pasojat e tmerrshme të tërmetit të 26 nëntorit. Deri më tani 27 persona janë arrestuar në lidhje me këtë çështje.
Arrestimet nisën gjatë së martës dhe të arrestuarit janë kryesisht zyrtarë dhe ish-zyrtarë në Kashar, Farkë dhe Vorë. Pjesë e listës që janë shoqëruar në polici janë ish-kryekomunarët e Farkës Fatbardh Plaku dhe ai i Kasharit Besnik Fuçia, si dhe shefi i Urbanistikës në Vorë, Luan Beta.
U ndaluan edhe arkitektet Stela Maze e Anila Harxhi, Merita Kushi, Bukurije Halili, Ali Dyrmishi, Vjollca Hoxholli, Gerti Çalliku, Jani Ikonomi, Qirjako Gjergo, Naim Shehi, Ermir Çina, Adhurim Qehajaj, Gëzim Shkalla, Pëllumb Fortuzi, Xhevahir Doda, Reis Muça, Hekri Disha, Agim Eski dhe Faik Fejzo.
Bëhet me dije se ditën e djeshme janë lëshuar nga Prokuroria rreth 40 urdhër-ndalime për ish-drejtues vendorë dhe shefa urbanistike, por edhe ndërtues.
