Nuk kanë të sosur telashet për Neymar, që vetëm para pak orësh pësoi një dëmtim që do ta mbajë jashtë Kupës së Amerikës, kompeticion që starton më 15 qershor dhe luhet në Brazil.
Ylli brazilian u denoncua për përdhunim dhe agresion pak ditë më parë, nga një vajzë braziliane, e quajtur Najila Trinidade Mendes, e cila dha mbrëmë një intervistë për mediat në vendin amerikano-latin.
Braziliania tregoi se e kishte njohur Neymar nëpërmjet një komunikimi me mesazhe dhe se ylli i PSG-së i kishte paguar biletën për në Paris, si dhe hotelin ku do qëndronin.
“Ishte dëshira ime të kisha një raport seksual me të, por ai u tregua shumë agresiv dhe i dhunshëm. Tërësisht ndryshe nga njeriu me të cilin kisha folur me mesazhe. Filloi të më bëjë keq dhe më detyroi të reagoj për ta ndaluar”, tregoi Mendes.
https://youtu.be/CrqpRuV5_GM
Ndërkohë në rrjetet sociale po qarkullon edhe një video, ku shfaqet ylli brazilian i PSG-së, Neymar, bashkë me Najila Mendes, në dhomën e një hoteli. Në momentet e fundit të videos, modelja braziliane reagon ashpër ndaj Neymar, i cili mbrohet duke i vënë këmbët në fytyrë.
Pas publikimit të kësaj videoje ka reaguar edhe babai i yllit brazilian duke thënë se: “Mendoj se nuk kam pse të mbroj djalin tim për ndonjë gjë. Imazhet flasin vetë dhe është e qartë në video. Këto pamje do provojnë se Neymar është ai që u sulmua. Ajo e provokoi.” – është shprehur babai i futbollist të PSG.
Kjo video ndodhet në duart e policisë tashmë e cila pritet të verifikojë nëse personat në këtë video janë me të vërtetë Neymar dhe modelja Najila Trindade.
