Për mbrojtjen e popullatës nga koronavirusi, në funksion janë maskat personale për hundën dhe gojën. Mbulimi fizik i hundës dhe gojës tek të gjithë qytetarët, do të mundësojë ndërprerje të bartjes së virusit.
Tashmë është e detyrueshme mbajtja e maskës për të mbuluar hundën dhe gojën në të gjitha hapësirat e mbyllura, ku nuk ka mundësi për mbajtje të distancës mes qytetarëve.
Por ndryshe nga të gjitha këto këshilla të cilat kanë muaj që ripërsëriten, Basha duket se ‘nuk është në dijeni’.
Disa foto të kreut të Partisë Demokratike, Lulzim Basha me maskë, po bëjnë xhiron e rrjetit sot, për mënyrën e gabuar sesi ai e mban maskën.
Basha e ka nisur turin e takimeve të tij në vizitën dy-ditore në Kosovë me kryeministrin Avdullah Hoti, me të cilin doli edhe në një konferencë të përbashkët për mediat.
Në konferencën në fjalë, Basha tërhoqi vëmendjen me maskën e cila i qëndronte poshtë hundës. E ndërsa Hoti ishte kujdesur të mbulonte gojën ashtu edhe hundën, sipas rregullit.
