Kreu i grupit parlamentar të LSI-së, Petrit Vasili ka reaguar ashpër ndaj deklaratave të forta të Ramës në Bruksel.
Kryeministri përdori një formë presioni ndaj Bashkimit Evropian, teksa kërkoi që t’i hapte derën Ballkanit, duke i përmendur gatishmërinë e Rusisë, Kinës dhe Turqisë për t’i afruar këto vende nga vetja.
Por, këtë deklaratë e ka kritikuar ashpër Vasili, i cili shkruan se Shqipëria ecën vetëm drejt SHBA dhe BE, duke shtuar se kryeministri mund të ecë drejt Rusisë apo Kinës.
Jo vetëm kaq, por Vasili vijon më tej me një gjuhë të ashpër, karakteristikë e tij ndaj kryeministrit, teksa thotë se Rama bën injorantin në Europë, madhe e quan atë një “kultivues i rëndomtë droge”.
POSTIMI I VASILIT:
Shqiperia ecen vetem drejt SHBA dhe BE, kryeministri le te eci drejt Rusise, Kines etj….
Kryeministri i inkriminuar ben interesantin dhe injorantin neper Europen politike. Europa ka pare plot sharlatane politike ndaj e degjon me indiference dhe percmim kete kultivues te rendomte droge.
Shqiperia dhe shqiptaret perjetesisht ka qene orientuar vetem drejt perendimit, pra drejt SHBA-ve dhe BE-se. Edhe ata politikane qe kane dashur ta orientojne ndryshe Shqiperine kujtohen me percmim dhe shqiptaret kane imponuar nje vullnet te tille vetem e vetem perendimor. Po keshtu shohin me percmim e neveri kete histerine e kryeministrit, qe SHBA dhe Europes i tregon Rusine,Kinen etj etj…..
Kryeministri i paafte dhe antishqiptar, qe drejton vendin nuk e duron dot shtetin ligjor, qe amerikanet dhe europianet duan ne Shqiperi,sepse ky shtet eshte eshte kunder droges,krimit,korrupsionit dhe koncesioneve.
Ndersa ky shkollepaku qe medemek i jep mend europes mijevjecare, do qe te beje shtetin e trafikanteve,krimineleve dhe aventuriereve.
Eshte i humbur,do te ike dhe do ta qeshin edhe si mendjehumbur qe eshte.
