Gazetari i njohur, Ylli Aga, ka bërë një deklaratë të bujshme në lidhje me rrogat në klubet e Kategorisë Superiore.
I ftuar në emisionin “Procesi Sportiv” në Top Channel, gazetari tha se nga vetëm 3 nga 10 ekipet që marrin pjesë në Superiore janë të rregullta me pagat. Ndërsa 7 të tjerat shtoi ai, janë debitore ndaj lojtarëve të tyre.
“Marr shkasë për procesin e pagesave, pasi për momentin në Superiore, janë vetëm 3 klube që janë korrekte me pagesat. Ndërkohë, 7 klube të tjera janë debitorë ndaj lojtarëve. Ky është problem shumë i madh. Para se ekipet të pretendojnë për rezultatet, ato duhet të jenë korrekte me pagesat, dhe me trajtimin sa më profesional të lojtarëve, për të pretenduar diçka pozitive për ecurinë e ekipeve të tyre. Futbolli nuk është si gjithë bizneset e tjera, duhet t’i bësh të gjitha mirë, nga A-ZH, dhe në fund të pretendosh për pak fat. Pres që protagonistët e klubeve që kanë probleme, t’i deklarojnë këto. Por, ta konfirmoj që është një lajm i saktë. Vetëm 3 klube janë korrekte me pagesat, 7 janë debitorë”, deklaroi gazetari.