Ambasadori i Izraelit në Beograd, Jahel Villan, ka deklaruar se, teknikisht, Izraeli nuk e ka njohur Kosovën.
“Sa i përket Kosovës, ne kemi një deklaratë nga kryeministri izraelit për njohje reciproke. Deri më tani nuk kemi ndërmarrë hapa shtesë në terren, por kjo është pjesë e marrëveshjes së nënshkruar në Uashington,” tha Jahel Vilan për Tanjug në deklaratën e tij të parë për media.
Megjithatë ai shpreh se është i bindur se “njohja e ndërsjellë e Izraelit dhe Kosovës nuk do të ndikojë në marrëdhëniet e forta të vendit të tij me Serbinë”, të cilat, thekson ai, Izraeli planifikon t’i forcojë edhe më shumë.
